“जहाँबाट आतिथ्यको सुरुवात हुन्छ” भन्ने नारासहित नेपाली भाषा, संस्कृति र रैथाने खानाको संरक्षणमा सक्रिय होटल पौवा प्रालिले १०औँ वार्षिकोत्सवको अवसरमा ‘स्वाद उत्सव’ आयोजना गर्ने भएको छ। उत्सव देशभरका २० शाखामा मनाइनेछ।
तानसेन शाखाले पत्रकार सम्मेलनमार्फत चैत २५ गते रक्तदान तथा चैत २६–२८ गते तीनदिने स्वाद उत्सव सञ्चालन हुने जनाएको छ। शाखा प्रबन्धक यदु भट्टराईका अनुसार पाल्पाली आतिथ्यता र अर्गानिक परिकारको विशेष अनुभव प्रदान गरिनेछ।
उत्सवमा नेपाली रैथाने स्वादका ६ प्रकारका विशेष मेनु समावेश गरिने लेखापाल सन्जु कार्कीले बताइन्। यसले स्थानीय पर्यटन र मौलिक खानाको प्रवर्द्धनमा टेवा पुग्ने विश्वास गरिएको छ।
सालझण्डीबाट सुरु भएको होटल पौवामा हाल करिब १००० कर्मचारी र २५० बढी लगानीकर्ता आबद्ध छन्। वार्षिकोत्सवकै अवसरमा चैत २८ गते भैरहवा शाखामा लगानी सम्मेलन पनि हुने कम्पनीले जनाएको छ।
