विवाहमा बेहाेस् भएर ढलेका तानसेन ६, पाल्पाका नारायण आचार्यको मृत्यु भएको छ । मंगलबार दाईको छोराकाे बिहेमा तानसेनकै एक होटलमा विवाह नाचिरहेको समयमा आचार्य अचानक बेहोस् भएर ढलेका थिए ।
निजामती सेवाबाट अवकासप्राप्त आचार्यको ५९ वर्षको उमेरमा निधन भएको उनका सहोदर भाई मनोज आचार्यले बताए । दाईको छोराको विवाहको कार्यक्रममा थियौं अचानक दाई बेहोस् भएर लड्नु भयो । मलाई समेत रिङ्गटा लाग्यो, म पनि होसमा हुँदा मिशन अस्पतालमा थियौं, दाइकाे मृत्यु भैसकेकाे रहेछ, भाई मनोज आचार्यले भने ।
वगनासकाली गाउँपालिका वडां. ८ मा वडा सचिव पदमा लामो समय काम गरेका नारायण आचार्य गत वर्षमा सेवाबाट अवकास पाएका व्यक्ति हुन् । उनका एक छोरा र श्रीमती छन् । सेरोफेरोन्यूजका तर्फबाट मृतआत्माको चीर शान्तिको कामना । हार्दिक श्रद्धासुमन
