रम्भा गाउँपालिकाले एक दिन शोक विदा दिएको छ। गाउँपालिकाको वडा नं. १ स्थित वडा कार्यालयमा कार्यरत पशु स्वास्थ्य प्राविधिक विष्णु प्रसाद रेग्मीको असामयिक निधन भएपछि शोक विदा घोषणा गरिएको हो।

हुँगी कै स्थायी बासिन्दा ३५ वर्षीय रेग्मी अचानक बेहोस् भएपछि दिउँसो लुम्बिनी मेडिकल कलेज लगिएकोमा अस्पतालले मृत घोषणा गरेको हो । रेग्मीको २०८२ फागुन २८ गते निधन भएको हो। उनको निधनप्रति हार्दिक श्रद्धाञ्जली व्यक्त गर्दै रम्भा गाउँपालिकाको गाउँ कार्यपालिकाको कार्यालय तथा मातहतका सम्पूर्ण सरकारी कार्यालयहरूमा २०८२ फागुन २९ गते शोक विदा दिइएको जनाएको छ।

गाउँपालिकाका प्रमुख प्रशासकीय अधिकृत वीर बहादुर पुनद्वारा जारी सूचनामा स्वर्गीय रेग्मीप्रति श्रद्धाञ्जली अर्पण गर्दै शोकाकुल परिवारजनप्रति गहिरो समवेदना प्रकट गरिएको छ।