अर्घाखाँची । भूमिकास्थान नगरपालिकास्थित जयठाटी अर्घाखाँचीमा भैलाे खेलिरहेको स्थानमा बस गुड्याे २ जनाकाे मृत्यु, ३५ जना घाइते भएका छन्।
वडा नं ५ र ६ को सिमाना पर्ने जयठाटीमा आज साँझ ५ बजे देउसीभैलो नाचिरहेको स्थानमा ना ३ ख २४७१ नं को बसको ‘ब्रेक फेल’ हुँदा दुर्घटना भएको प्रहरीले जनाएको छ ।
बसले भैलो खेलिरहेकाहरूलाई ठक्कर दिएका र एक महिलाको घटनास्थलमै मृत्यु भएको र एक जनाकाे उपचारकाे क्रममा मृत्यु भएकाे जिल्ला प्रहरी कार्यालयका प्रमुख प्रहरी नायब उपरीक्षक चक्रबहादुर मल्लले जानकारी दिए । घटनास्थलमा ७० वर्षीय रूनी खनाल र उपचारकाे क्रममा २२ वर्षीय तारा श्रेष्ठकाे मृत्यु भएकाे प्रनाउ मल्लले बताए ।
प्रहरी र स्थानीयले घाइतेहरूको उद्धार गरेका थिए । घाइतेहरूकाे अर्घाखाँची अस्पतालमा उपचार भैरहेकाे छ ।
