पाल्पा, जेठ ५
युनाइटेड मिशन अस्पताल पाल्पामा फाेहाेर पानी प्रशाेधन गरि पूनः प्रयाेग गर्न मिल्ने बनाइने भएकाे छ । राेटरी क्लब अफ पाल्पा तानसेन, तानसेन नगरपालिका र अन्य संघसंस्थाहरूकाे सहयाेगमा वेस्ट वाटर टिटमेन्ट प्लान्ट निर्माण सम्पन्न हुने क्रममा रहेकाे हाे ।
तानसेन नगरपालिका १ मिसन अस्पताल बाहिर र अस्पताल भित्रकाे फाेहाेर पानी प्रशाेधन गरि पूनः प्रयाेग गर्न मिल्ने बनाइन लागेकाे हाे । याेजनाकाे सर्वपक्षिय अनुगमन समेत गरिएकाे छ । नगरकाे गाैरब याेजना रहेको वेस्ट वाटर ट्रिटमेन्ट प्लान्ट निर्माण अन्तिम चरणमा रहेकाे तानसेन नगरपालिकाका नगर प्रमुख सन्तोष लाल श्रेष्ठ बताए । करिब ४ करोड ५ लाखका लागतमा बन्ने याेजना सम्पन्न भएपछि बग्ने पानी दमकल र कृषिजन्य काममा प्रयाेग गरिने नगर प्रमुख श्रेष्ठले बताए । फाेहाेर र दुर्गन्धित ढलले गर्दा उक्त क्षेत्रका नागरिकहरूलाई समस्या रहेकोले त्यसकाे व्यवस्थापन गरिएकाे नगरपालिकाले जनाएकाे छ ।
तानसेन नगरपालिका प्रवक्ता एवम राेटरी क्लब अफ पाल्पा तानसेनका अध्यक्ष यादब सिङ कार्कीले परियाेजनाले मिसन अस्पताल भित्र र बस्तीकाे फाेहाेर पानीलाई एनबिबिआर अमेरिकन प्रविधि मार्फत् अत्याधुनिक मेसिनकाे जडान गरि पानीकाे शुद्धीकरण गरिने बताए । परियाेजना २०८० असार १३ गते सम्झाैता भएको र निर्माण कम्पनीले २०८१ जेठ मसान्तसम्म सम्पन्न गर्ने गरि सम्झाैता गरिएकाे राेटरी अध्यक्ष कार्कीले बताए । पराजुली कन्ट्रक्सन लमजुङ मार्फत् काम भैरहेकाे छ ।
परियाेजना अन्तर्गत हाल सम्म ३२ वटा चेम्बर निर्माण कार्य सम्पन्न भइसकेको र यहि महिनाभित्रमा काम सक्ने गरि काम भैरहेकाे युनाइटेड मिसन अस्पतालका प्रमुख प्रशासकीय अधिकृत जीवन भट्टराईले बताए ।
प्रतिक्रिया
सम्बन्धित खवर
