पाल्पा, कार्तिक २६
रुपन्देहीको सियारी गाउँपालिका–५ की सावित्री खरेलको सुत्केरी हुने क्रममाा भैरहवास्थित युनिभर्सल मेडिकल कलेज अफ शिक्षण अस्पतालको लापरवाहीले निधन भयो ।
सामान्यतया पिडितको पक्षमा सरकारले साथ दिने कानुनी ब्यबस्था छ । तर साबित्रा मृत्यु प्रकरणमा पिडित परिवारले हालसम्म पनि न्यायको महसुस गर्न पाएका छैनन् । न्यायका लागि अस्पताल प्रशासन, जिल्ला प्रशासन कार्यालय गएपनि अहिलेसम्म खनाल परिवारले न्याय पाउन सकेको छैन् । पिडित परिवारले घरको सदस्य त गुमायो नै उपचारको क्रममा निकै ठूलो आर्थिक भार समेत बोक्नु पर्यो । उपचारको क्रममा करिब ५० लाख भन्दा बढी खर्च भएको परिवार स्रोतले बताएको छ । आर्थिक कुरा भन्दा न्याय पाउने कुरा महत्वपूर्ण भएको सावित्रीका जेठाजु महेश खनाल बताउछन् ।
शल्यक्रिया गरेको ६ दिनपछि सावित्राको पेट एक्कासी फुल्न थाल्यो । ल्याब रिपोर्टहरूमा कुनै समस्या नभएपनि सावित्राको पेट फुलेको भने घट्नुको साटो झनै बढ्दै गयो । बच्चा निकाल्ने क्रममा शल्यक्रिया गर्दा डाक्टरले लापरबाही गरेर पेटमा भएको रगतको नसा काटिएको परिवार बताउछ । उपचारको लागि युनिभर्सल मेडिकल कलेजको लापरवाही गरेपछि परिवारले हेलिकप्टरमा साबित्रालाई काठमाडौ लाग्यो । काठमाडौंको ग्राण्डी इन्टरनेसनल अस्पतालमा पुर्याउदा साबित्राको अवस्था नाजुक बनिसकेको थियो । ग्राण्डी इन्टरनेसनल अस्पताल काठमाडौंमा लगेको ११ औं दिनको दिन कार्तिक २ गते सावित्राको मृत्यु भयो ।
अहिले परिवार न्यायका लागि हारगुहार गरिरहेको छ । परिवारले न्याय माग्दै रुपन्देहीका प्रमुख जिल्ला अधिकारी गणेश अर्याललाई ज्ञापनपत्र बुझाएको छ । अस्पतालबाट बिरामीको उपचारमा गरिएको लापरवाहीको बिरुद्धमा नेपाल मेडिकल काउन्सिलमा उजुरी दिने तयारी समेत भएको सावित्रीका श्रीमान सुरज खनालले बताए ।
अस्पतालमा आफु र आफुनो परिवारले पाएको दुख र क्षति आगामी दिनमा अन्य परिवारलाई नपरोस भनेर न्याय माग्दै सम्बन्धित निकायको ढोकासम्म पुगेको सुरजले बताए ।
प्रतिक्रिया
सम्बन्धित खवर
