पाल्पा, असार २२
नेपाल कम्युनिस्ट पार्टी (एकीकृत समाजबादी ) पाल्पाका जिल्ला अध्यक्ष खिमानन्द पाण्डे (कमल) को मृत्यु भएको छ । बगनासकाली गाउँपालिका १ पिप्ले स्थित घरबाट उपचारका लागी लुम्बिनी मेडिकल कलेज, प्रभास लाने क्रममा बाटोमै मृत्यु भएकाे बताइएकाे छ ।
शुक्रवार बेलुकी ६ः१५ बजे हृदयघाट भई उनलाइ उपचारका लागि लुम्बिनी मेडिकल कलेज लगिएकाे र ६ः४५ बजे उनलाइ मृत्यु घाेषणा गरिएकाे अाफन्तजनले बताएका छन् । मृतक पाण्डेको शव लुम्बिनी मेडिकल कलेज, प्रभासमा राखिएको छ । ५२ वर्षिय पाण्डेको २६ वर्षिय माहिलो छोराको पनि गत वर्ष हृदयघाट बाटै मृत्यु भएकाे थियो । मृतक पाण्डेका २ छोरा र श्रीमती छन् ।
पूर्व एमाले पाल्पाको उपसचिव रहनुभएका मृतक पाण्डे पाल्पामा सरल र स्वच्छ छवि बनाएका नेता हुन् । उनी गत वर्ष सम्पन्न भएकाे स्थानीय तहकाे निर्वाचनमा वगनासकाली गाउँपालिका उपाध्यक्षमा उपविजयी भएका नेता हुन् ।
उनकाे शव शुक्रबार राती नै लुम्बिनी मेडिकल कलेजबाट घरमा लैजाने तयारी गरिएकाे छ भने शनिबार बिहान राम्दीमा अन्त्येष्टीका लागि लैजाने परिवारिक स्राेतले जानकारी दिएकाे छ ।
प्रतिक्रिया
सम्बन्धित खवर
