सुशीला रेग्मी
रामपुर (पाल्पा), चैत ४
पर्यटकीय तालपोखरामा पत्रकार भेटघाट कार्यक्रम भएको छ । रामपुर नगरपालिका वडा नं ६ मा रहेको यस तालपोखरामा नववर्ष २०८० को पावन अवसरमा हुने नयाँवर्ष विशेष कार्यक्रमको जानकारी दिन पत्रकार भेटघाट कार्यक्रम भएको हो ।
तालपोखरा संरक्षण समितिका अध्यक्ष भरतराज देवकोटाको अध्यक्षतामा कार्यक्रम गरी नयाँवर्ष विशेष कार्यक्रमबारे जानकारी दिईएको छ । कार्यक्रमको संचालन समितिका सदस्य जनक भण्डारीले गर्नुभएको छ । पर्यटक भित्र्याउन र यसको पर्यटन प्रवर्द्धन गर्ने उद्देश्यले नयाँवर्ष विशेष कार्यक्रम आयोजना गरिएको अध्यक्ष देवकोटा बताउनुहुन्छ । वैशाख १ र २ गते नयाँवर्षको अवसरमा राष्ट्रियस्तरका कलाकारबाट विशेष सांगितिक कार्यक्रम रहने आयोजकले जनाएको छ ।
कार्यक्रममा सहभागीलाई समितिका उपाध्यक्ष मित्रा ढकालले स्वागत गर्नुभएको थियोे । पर्यटकिय तालपोखरामा पर्यटकको संख्या बढ्दै जान थालेको छ ।
