पाल्पा, फाल्गुन २८
पाल्पामा टिप्पर दुर्घटना हुदा एक जनाको मृत्यु भएको छ । भने, एक जना घाइते भएका छन् । आज बिहान करिब ७ बजेको समयमा पाल्पा जिल्ला माथागढी गाउँपालिका ६ चिलेपानीमा गोठादीबाट रहबास तर्फ जादै गरेको लु २ ख ११९६ नम्बरको टिप्पर दुर्घटना हुदा टिप्पर चालक रुपन्देही तिलोत्तमा ११ गणेशनगर बस्ने बर्ष ४० का बिष्णु गुरुङ्गको घटना स्थलमै मृत्यु भएको जिल्ला प्रहरी कार्यालय पाल्पाले जनाएको छ । टिप्परमा सवार माथागढी झडेवाका ५० बर्षिय हुम बहादुर परियार घाइते भएको र घाइतेको उपचार तानसेनमा भइरहेको प्रहरीले जनाएको छ ।
टिप्पर सडकबाट करिब ४० मीटर तल खसेको र घटनाको बिषयमा अनुसन्धान भइरहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो ।
प्रतिक्रिया
सम्बन्धित खवर
