पाल्पाका १ सय २० केन्द्रमा निर्वाचन तयारीमा जुटे कर्मचारी
पाल्पा÷बिहीबार हुने प्रतिनिधि सभा सदस्य निर्वाचनका लागि पाल्पाकाे हेक्लाङ मतदान केन्द्रमा भएकाे विवाद समाधान भएकाे छ । सामाग्री सहित मतदान गराउन पुगेकाे समूहलाइ केन्द्र स्थानान्तरण गर्नका लागि भन्दै गरेकाे अवराेध हटेकाे हाे ।
पूर्वखोला गाउँपालिका वडा नं. ६ हेक्लाङ्ग स्वास्थ्य चौकीमा मतदान केन्द्र स्थानान्तरण गर्न भन्दै गरिएको विवाद भएको थियाे । जिल्ला अनुगमन अधिकृत रहेको सहायक प्रमुख जिल्ला अधिकारी ऋषिराम सुवेदीले अहिलेलाई स्वास्थ्य चौकीमै केन्द्र राखेर मतदान गराउने सहमति भएको बताए । हेक्लाङ्गका स्थानीयले सोमबार पुगेका कर्मचारीलाई अवरोध गरेपछि जिल्लाका सुरक्षा निकाय सहितको टोली पुगेर समस्या समाधान गरिएको हो ।
याे पनि पढ्नुहाेस्…
पूर्वखाेलाकाे हेक्लाङ केन्द्रमा निर्वाचन सामग्री राख्न स्थानीयको अवरोध
पाल्पामा फागुन २१ गते हुने प्रतिनिधिसभा सदस्य निर्वाचनका लागि पाल्पा दुई वटा अस्थायी मतदान केन्द्र तोकिएको छ । दुई निर्वाचन क्षेत्र रहेको पाल्पामा ११८ मतदानस्थल रहेकोमा दुई अस्थायी मतदानस्थल थप गर्दै १२० मतदानस्थल कायम गरिएको जिल्ला निर्वाचन अधिकारी महेश शर्माले बताए । उनी भन्छन्, पाल्पाका दुई अस्थायी मतदान स्थलमा १ हजार ९ सय २३ मतदाता रहेका छन् । जिल्ला कारागार तानसेनका कैदीबन्दी साथै अन्य कर्मचारी र सुरक्षाकर्मीका लागि अस्थायी मतदानस्थल निर्धारण गरिएको शर्माले बताए । दी फेमस महेन्द्र दल गणमा पनि अस्थायी मतदानस्थल तोकिएको छ । जसअन्तर्गत ६९ जना कारागारमा र १ हजार ८ सय ५४ जना महिन्द्र दल गणमा मतदाता रहेका छन् ।
यस पटकको मतदान केन्द्रमा निर्वाचन सम्पन्न गर्न २ हजार बढी कर्मचारी खटिएका छन् ।
प्रतिक्रिया
सम्बन्धित खवर
