पाल्पा,असार २
निस्दीमा स्कार्पियो जिप दुर्घटना हुँदा नौ जना घाइते भएका छन् । निस्दी गाउँपालिकामा डेन्टल सम्बन्धि सिबिर संचालन गरि फर्किने क्रममा जिप दुर्घटनामा परेको हो । आज बिहान साढे ४ बजेतिर निस्दी गाउँपालिका केन्द्रबाट रामपुर फर्किदै गरेको बा १५ छ ५९४ नम्बरको स्कार्पियो जिप निस्दी– ४ झ्याल्टुङ्गमा दुर्घटना भएको प्रहरीले जनाएको छ ।
घाईते हुनेहरुमा रामपुर नगरपालिका ५ की २१ बर्षिय डोल्मा खण्डाल, रामपुर ९ की २८ बर्षिय रचना राना, रामपुर ५ की २९ बर्षिय अनिषासिं ठकुरी, रामपुर ५ की २३ बर्षिय ममता श्रेष्ठ, रामपुर ७ की २० बर्षिय सबिना राना, रामपुर ४ की १९ बर्षिय श्रेया रुचाल, रामपुर ५ की १९ बर्षिय दिपा हिस्की मगर, रामपुर ५ का २० बर्षिय मोहन अर्याल र रामपुर ५ कै ३४ बर्षिय शंकर श्रेष्ठ रहेका छन् । घाईतेहरुको लुम्बिनी मेडिकल कलेज तानसेनमा उपचार भईरहेको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो ।
घाइतेको अवस्था मध्यम रहेको छ । कच्ची सडक खण्डको बाँयातर्फ भित्तामा ठक्कर खान जाँदा सवारी दुर्घटना भएको बताइएको छ । दुर्घटनाको सम्बन्धमा थप अनुसन्धान जारी रहेको पाल्पा प्रहरीले जनाएको छ।
प्रतिक्रिया
सम्बन्धित खवर
