latest
पुष्कर शाहसहित २०० साइकलयात्री पाल्पा आउँदै, मंसिर ५ देखि हेरिटेज राइड  ||    विशेषज्ञ चिकित्सकदेखि एनामली स्क्यानसम्म: २४ घण्टे सेवा लाइफकेयर सञ्चालन  ||    बर्तुङ बहुउद्देश्यीय सहकारीको आठौँ वार्षिक साधारणसभा सम्पन्न  ||    २० युनिटसम्म विद्युत खपत गर्ने उपभोक्ताको महसुल तानसेन नगरपालिकाले व्यहोर्ने  ||    लोपोन्मुख तथा सीमान्तकृत समुदायको पहिचान र अधिकार सुनिश्चित गर्न प्रदेश सरकारको ध्यानाकर्षण  ||    डिप्लोमा ईन हस्पिटालिटी म्यानेजमेन्ट-DHM तानसेनमा  ||    नेपाली कांग्रेस रामपुर नगर कार्यसमितिको पदस्थापन  ||    सरकारले गर्‍यो १२ मन्त्रालयअन्तर्गत नियुक्ति ६११ राजनीतिक नियुक्ति  ||   
मंगलबार , मंग्सिर २, २०८३

पाल्पा, फागुन २४

बगनासकाली गाउँपालिकाको नयाँ प्रशासनिक भवन निर्माण सम्पन्न भएको छ । बगनासकाली गाउँपालिका वडा नं. १ चिर्तुङधारा चिलाङ्दीमा निर्माण गरिएको प्रशासनिक भवनमा लिफ्ट सुविधा समेत राखिएकाे छ ।

अावश्यक पक्रिया पूरा गरी छिटै यसै भवनबाट गाउँपालिकाको प्रशासनिक कार्य सुरू गरिने गाउँपालिका अध्यक्ष सरस्वती चिदीले बताउनुभयो । चिर्तुङ्धारामा वडा कार्यालयसँगै रहेको गाउँपालिकालाई चिलाङ्दीमा स्थानान्तरण गरिने र सबै जनतालाइ सेवा दिने तयारी गरिएकाे हाे । नयाँ भवनबाट सबै वडाहरुलाई पायक नपर्ने र यसअघि गाउँपालिकाको केन्द्र सबै वडाहरुलाई पायक पर्ने गरी चिलाङ्दी तय गरिएकोमा सोही बमोजिम नै भवन निर्माण गरिएको अध्यक्ष चिदीले बताउनुभयो ।

२०७८ फागुन महिना ८ गते ठेकेदार कम्पनी न्यू ड्रयागन आर आर जे.बीसँग ६ करोड ४७ लाख ८४ हजार उनानब्बे रुपैंयाँमा भवन निर्माणका लागि सम्झौता गरी काम भएको निर्माण व्यवसायी राजेन्द्र केसीले बताउनुभयो । कुल लागत मध्ये ६० प्रतिशत संघीय सरकारको समानीकरण अनुदान रहेको छ भने ४० प्रतिशत गाउँपालिकाले व्यहोर्ने गाउँपालिकाका उपाध्यक्ष हरिप्रसाद पाठकले बताउनुभयो ।

भवन बनाउन भैरव मन्दिर सामुदायिक बनको गौचरनको जग्गा २५ वर्ष लिजमा प्रयोग गर्न लिइएको हो । गाउँपालिकाले भोगचलन गर्ने १३ रोपनी ३ आना जग्गामध्ये ११ आना जग्गाभित्र ४०१० वर्गफिटमा निर्माण भएको प्रशासकीय भवन ४ तलाको रहेको इन्जिनियर कुवरले बताउनुभयो ।

भवनलाई अपाङ्गतामैत्री बनाइएको छ । माथिल्लो तलामा जान र आउनका लागि लिफ्टको समेत ब्यवस्था गरिएको बताइएको छ ।

प्रतिक्रिया

सम्बन्धित खवर

ताजा समाचार

लोकप्रिय