पाल्पा, फागुन १४
पाल्पाका स्थानीय सरकारले ४२ औं राष्ट्रिय मगर एकता दिवसको अवसरमा सार्वजनिक विदा दिएका छन् । दिवसको अवसरमा फागुन १५ गते एक दिन सार्वजनिक विदा दिइएको हो ।
जिल्लाकाे सदरमुकाम रहेकाे तानसेन नगरपालिका र रामपुर नगरपालिकाले सुचना जारी गर्दै विदाको घोषणा गरेका छन् । पाल्पा जिल्ला मगर समुदायको बहुल्यता रहेको जिल्ला भएको र मगर समुदायले फागुन १५ गतेलाई उत्सवको रुपमा मनाउने भएकाले सार्वजनिक विदा दिइएको तानसेन नगरपालिकाका नगर प्रमुख सन्ताेषलाल श्रेष्ठले बताउनुभयाे ।
यस्तै जिल्लाका वगनाशकाली, निस्दी, माथागढी र पूर्वखाेला गाउँपालिकाले सूचना जारी गर्दै सार्वजनिक विदाकाे घाेषणा गरिसकेका छन् । यस दिन स्थानीय सरकार मातहतमा रहेका शिक्षण संस्था, स्वस्थ्य संस्था र अन्य सार्वजनिक संघ संस्थाहरुमा सार्वजनिक विदा हुने भएकाे हाे ।
प्रतिक्रिया
सम्बन्धित खवर
