पाल्पा, फाल्गुन १०
नेकपा एमालेका स्थायी कमिटी सदस्य तथा बिदेश बिभाग प्रमुख डा राजन भट्टराईले नेकपा एमालेको मिसन ग्रासरुट अभियान पार्टी सर्भिसिङ्गको अभियान भएको बताउनुभएको छ । डा Þभट्टराईले एमाले ठूलो गाडी भएकाले धेरै यात्रु बोक्दा कहिकतै टुटफुुट हुन सक्ने भएकाले मिसन ग्रासरुटलाई सर्भिसिङ्गको रुपमा लिन पर्ने बताउनुभएको हो ।
प्रेस चौतारी पाल्पाले आज तानसेनमा गरेको पत्रकार भेटघाट कार्यक्रममा नेता भट्टराईले केही पुराना नेताले पार्टी छोडेको अवस्थामा युवाहरुलाई पार्टी प्रति जागरण ल्याउन यो अभियान चलाइएको बताउनुभयो । उहाँले कुनैपनि पार्टी पुरानो नहुने बताउदै पार्टीले अंगिकार गरेको नीति तथा सिद्धान्त समय र माग अनुसार परिवर्तनको आवश्यकता रहने धारणा राख्नुभयो ।
एक फरक प्रशंगमा नेता भट्टराईले १० गतेकै सहमती अनुसार देशले राष्ट्रपती पाउने जिकिर गर्नभयो । उहाँले एमालेकै उम्मेद्धार राष्ट्रपती हुने समेत स्पष्ट पार्नुभयो । उहाँले राजतन्त्र २०६२÷६३ को परिवर्तन पछि हटिसकेकाले पूर्बराजाको सक्रियतालाई पार्टी खोलेर आउन समेत चेतावनी दिनुभयो । आफ्नो पार्टीका केही नेता प्रति लक्षित गर्दै नेता भट्टराईले ती नेतालाई पार्टीले कारवाही प्रक्रिया थालि सकेको समेत जानकारी दिनुभयो ।
कार्यक्रम प्रेस चौतारी पाल्पाका अध्यक्ष कृष्ण कार्कीको अध्यक्षता र संचालन सचिब नारायण न्यौपानेले गर्नुभएको थियो ।