पाल्पा, माघ १०
तानसेन–रिडी–तम्घास सडक खण्डको सिरुखर्क जोर्ते खण्ड मर्मतका लागि एक महिना बन्द हुने भएको छ । सडक डिभिजन कार्यालय पाल्पाले उक्त सडक खण्डको रिब्दीकोट गाउँपालिकास्थित माल्मुल–जोर्ते क्षेत्रमा सडक चौडा गर्नुका तथा मर्मतका लागि एक महिना सडक बन्द गर्ने जनाएको छ ।
माघको १० गतेदेखि फागनु ९ गतेसम्म सवारी आवागमन बन्द गरेर मर्मत र चौडा गर्ने काम हुने सडक डिभिजन कार्यालय पाल्पाले जनाएको छ ।
सडक डिभिजन कार्यालय पाल्पाका प्रमुख प्रदिपमणी निरौलाका अनुसार हरेक दिन बिहान ५ बजेदेखि ९ बजेसम्म, दिउँसो १२ बेदेखि ४ बजेसम्म र बेलुका ६ बजेदेखि १० बजेसम्म सबै सवारी आवागमन बन्द हुनेछन ।
यसअघि पनि सोहि खण्डमा पटक पटक सूचना निकालेर सडक चौडा पार्ने काम सडक डिभिजन पाल्पाले गरि रहेको छ ।