३१ वर्षपछि पाल्पामा एमालेको किल्ला भत्कियो
मुक्ति न्यौपाने
प्रतिनिधिसभा सदस्य निर्वाचन क्षेत्र नम्बर एक पाल्पामा नेपाली कांग्रेसका उमेदवार सन्दीप राना विजयी भएका छन् । उनले १८ हजार ३ सय ३६ मत प्राप्त गरे । उनका निकटतम प्रतिस्पर्धी नेकपा एमालेका उम्मेदवार नारायणप्रसादआचार्यले १६ हजार ८ सय १९ मत प्राप्त गरे । राष्ट्रिय स्वतन्त्र पार्टीका विमल पन्तले मतले १४ हजार ३ सय ३३ प्राप्त गरे ।
क्षेत्र नम्बर एक पाल्पामा कुल ९८ हजार ३८३ मतदाता रहेको थिए । जसमध्ये ५५ दशमलव १२ प्रतिशत अर्थात् ५४हजार २ सय ३० जनाले मात्र मतदान गरेका थिए ।
पाल्पा क्षेत्र नम्बर १ मा २०५१ सालदेखि नेकपा एमालेका उम्मेदवार विजयी हुँदै आएका थिए । एमालेकाउम्मेदवार नारायणप्रसाद आचार्यले २०७९ को प्रतिनिधिसभा सदस्य निर्वाचनमा ३१ हजार १०३ मत सहित विजयीबनेका थिए । यस क्षेत्रमा एमालेले २०५१ सालदेखि एमालेले आफ्नो लाल किल्ला कायम राख्दै आएको थियो ।यहाँ २०५१ मा दलबहादुर राना, २०५६ मा भद्र बहादुर थापा, २०६४ सालको संविधानसभा निर्वाचनमा दलबहादुरराना र २०७९ मा नारायण प्रसाद आचार्य विजयी भएका थिए ।
को हुन्, निर्वाचित राना ?
कांग्रेसबाट प्रतिनिधि सभामा निर्वाचित राना लुम्बिनी प्रदेश सदस्य तथा महासमिति सदस्य हुन् । उनी अन्तर्राष्ट्रियविपी चिन्तन प्रतिष्ठानका अध्यक्ष समेत हुन् । नेपाली कांग्रेसका तर्फबाट उम्मेदवार बनेका सन्दीप रानाराजनीतिशास्त्रमा स्नातक तह उत्तीर्ण छन् । उनी कानुनका विद्यार्थीसमेत हुन् ।
