पाल्पा क्षेत्र नम्बर १ मा राष्ट्रिय स्वतन्त्र पार्टीका विमल पन्तको अग्रता देखिएको छ । पन्तले ५ सय ३३ मत प्राप्त गरेका छन् । उनका निकटतम नेकपा एमालेका उमेदवार नारायण प्रसाद आचार्यले ३ सय ३ मत प्राप्त गरेका छन् ।
नेपाली कांग्रेसका उमेदवार सन्दीप रानाले १ सय ५२ मत प्राप्त गर्दा नेपाली कम्युनिष्ट पार्टीबाट पाल्पामा क्षेत्र नम्बर १ का उमेदवार हुमबहादुर सुनारीले १ सय ४८ मत प्राप्त गरेका छन् । यहाँ पाल्पामा राप्रपाका बहृस्पति अर्यालले २ मत प्राप्त गरेका छन् ।
पाल्पा क्षेत्र नम्बर १ को तिनाउँ गाउँपालिका ५ को मतगणना भैरहेको हो । पाल्पा क्षेत्र नम्बर २ मा भने बिहान ९ बजे सर्वदलिय बैठक बसेरमात्र मतगणना सुरु हुने मुख्य निर्वाचन अधिकृतको कार्यालय पाल्पाले जनाएको छ ।
क्षेत्र नं १ मा कुल ९८ हजार ३ सय ८३ मतदाता रहेका छन् । क्षेत्र नं २ मा कुल १ लाख ९ हजार ५३ मतदाता रहेका छन् । जिल्लामा कुल २ लाख ७ हजार ४ सय ३६ मतदाता रहेका छन् ।