पश्चिम नेपालको शैक्षिक घरोहरको रुपमा रहेको तानसेन स्वास्थ्य उपचार पाइने प्रमुख गन्तव्यको रूपमा समेत रहेको स्थान हो । पाल्पा जिल्लाको सदरमुकाम तानसेनलाई पहाडकी रानी उपमाले चिनिन्छ । तानसेनले स्वास्थ्य र शिक्षाको क्षेत्रमा योगदान पुर्याएको पुरानो इतिहास छ ।
पाल्पा क्षेत्र नं. २ का उम्मेद्वार हिमालदत्त श्रेष्ठले तानसेनमा रहेको त्रिभुवन बहुमुखी क्याम्पस, युनाइटेड मिसन अस्पताल, लुम्बिनी मेडिकल कलेज र पाल्पा अस्पतालको दीर्घकालिन, योजनाबद्ध बिकासले नै पाल्पा र तानसेनको बिकासमा टेवा पुग्ने बताउनुभएको छ ।
उम्मेदवार श्रेष्ठले तानसेन नगरपालिका भित्रका विभिन्न वार्डहरुमा चुनावी भेटघाट तथा घरदैलोको अभियानका क्रममा आफ्नो कार्य योजना बताउदै मतदाताहरुसंग भेटघाटको क्रममा तानसेनमा स्वास्थ्य,शिक्षा र पर्यटनको प्रमुख गन्तव्यको रूपमा आगाडी सार्ने बताउनुभएको हो ।
उहाँले तानसेन पर्यटनको व्यापक सम्भावना बोकेको स्थान भएकाले संघीय सरकारले नीति निर्माण गर्ने र स्थानीय सरकारले पर्यटनको बिकास गर्नुपर्ने धारणा राख्नुभयो । उम्मेदवार श्रेष्ठले संघीय संसदले नै बिकासका काम गर्ने धारणा बिकास भएको अब सांसदले बिकासमा बाधक रहेका कानुन परिबर्तन गरि छिटो गर्ने नीतिनिर्माण गर्ने प्रतिबद्धता व्यक्त गर्नुभयो ।
आज उम्मेदवार श्रेष्ठ सहित नेपाली काङ्ग्रेसका नेता कार्यकर्ता तानसेन नगरपालिका वडा नं. ५÷९ र ६ मा घरदैलो कार्यक्रम गरिरहनुभएको छ ।
कार्यक्रमका क्रममा उम्मेद्वार श्रेष्ठले स्थानीय बासिन्दासँग प्रत्यक्ष भेटघाट गर्दै आफ्ना एजेन्डा तथा विकास योजनाबारे जानकारी गराउनुभएको थियो । नेता तथा कार्यकर्ताहरूले घरघरमा पुगेर मतदातासँग छलफल गर्दै आगामी निर्वाचनमा सहयोग र समर्थनका लागि अपिल गरेका थिए । स्थानीयवासीहरू यस पटक पाल्पाका युबा उम्मेदवार हिमालदत्त श्रेष्ठलाई रुख चिन्हमा मतदान गरि बिजय गराउने अठोट गरेको बताए ।
घरदैलोको क्रममा भुकम्प र कोरोना महामारीको कठिन समयमा उहाँले देखाउनुभएको सक्रियता र मानवीय सहयोगलाई आम मतदाताले उच्च मूल्याङ्कन गरेको पाइएको छ ।
