पाल्पा, मङ्सिर ८
विवाह पञ्चमीको अवसरमा पाल्पाको रामपुर नगरपालिकाले मङ्सिर ९ गते सार्वजनिक बिदा दिने निर्णय गरेको छ ।

विवाह उत्सव भव्यताका साथ सम्पन्न गर्नका लागि रामपुर नगरपालिकाले मङसिर ९ गते नगरपालिका मातहतका कार्यालय, सार्वजनिक विद्यालय तथा संघ संस्थामा सार्वजनिक बिदा दिने निर्णय गरेको कार्तिक २४ गतेको कार्यपालिका बैठकबाट निर्णय भएको रामपुर नगरपालिकाले जनाएको छ ।

विवाह पञ्चमीको अवसरमा रामपुर नगरपालिका–३ सीताकुण्डमा राम–सीता विवाह उत्सवको तयारी भइरहेको छ । धार्मिक तथा सांस्कृतिक महत्वलाई उजागर गर्न वडा नं। ५ बाट बेहुला पक्ष भएर जन्त जाने र वडा नं। ३ र ४ का स्थानीय र सरोकारवालाहरुले माइती पक्षको रुपमा स्वागत गर्ने कार्यक्रम रहेको छ ।

त्रेतायुगमा भगवान राम चन्द्र वनबासको क्रममा स्नान गरेको पवित्र भुमि वडा नं। ५ स्थिति कालीगण्डकी किनारको रामघाटमा बाट जन्त निकाल्ने, रामपुर क्षेत्रमा घुम्ने क्रममा भगवान सीता रजस्वाला भएको समयमा भगवान रामले वाण प्रहार गरी पानी निकालेर नुहाउने व्यवस्था मिलाएको वडा नं। ३ स्थित सीताकुण्डमा जन्तीलाई स्वागत गरी विवाह उत्सव मनाउने तयारी गरिएको हो ।