पाल्पा, २ कार्तिक
नेपाल बिद्युत प्रधिकारणले तिहार र छठको समयमा बिजुलीको अत्याधिक खपत हुने र दुर्घटनाको जोखिम पनि बढी हुने भएकाले थप सजकता अपनाउन आग्रह गरेको छ ।
हरेक वर्ष तिहार र छठको समयमा बिद्युत सर्ट भएर जनधनको क्षति हुने गरेको छ । झिलीमिली बत्तीहरू बाल्दा तारहरू मिलाउने क्रममा बिजुली सर्ट हुन गई ठूला आगलगी भएर करोडौँका धनसम्पत्ति नष्ट भएका समाचारहरू पनि हामीले सुन्दै आएका छौँ । यो समयमा बिद्युत प्रयोग गर्दा बढी सजक हुन उपभोक्तालाई नेपाल बिद्युत प्राधिकरण पाल्पा बितरण केन्द्र प्रमुख दिलिप मरासेनीले आग्रह गर्नुभयो । उहाँले झिलीमिली प्रयोग गर्दा नाङ्गो तार, केटाकेटी छुने गरि भुईसम्म प्रयोग नगर्न अनुरोध गर्नुभयो । उहाँले बिद्युत सम्बन्धि कुनै समस्या आएका प्राधिकरणको मर्मत टोली जुनसुकै बेला पनि तयार रहेको जानकारी दिनुभयो ।
तिहारको समयमा विद्युत् आपूर्ति पर्याप्त हुने नेपाल विद्युत् प्राधिकरणले स्पष्ट पारेको छ । तिहारको समयमा विद्युत् प्रवाहमा कुनै कमी नहुने भएकाले निर्धक्क भएर विद्युतीय सामग्रीको प्रयोग गर्न प्राधिकरणले आग्रह गरेको हो ।
तिहारको लक्ष्मीपूजामा सबैभन्दा बढी विद्युतको माग हुने गरेको छ ।
