पाल्पा,२८ असोज
जिल्ला प्रहरी कार्यालय पाल्पाले ठूलो मात्रामा अबैध मल बरामद गरेको छ । सोमबार राती करिब १० बजेको समयमा राम्दी प्रहरी चौकीले १४० बोरा र आर्यभन्ज्याङ्ग प्रहरी चौकीले ४० गरि जम्मा १ सय ८० बोरा डिएपी मल बरामद गरेको हो । स्याङ्गजाबाट रुपन्देही तर्फ जादै गरेको लु २ ख १२५७ नम्बरको ट्रक राम्दीबाट र ग १ ख ७५३१ नम्बरको ट्रक आर्यभन्ज्याङ्गबाट प्रहरीले नियन्त्रणमा लिएको हो ।
बिल बिजक नभएको मल बरामद गरि थप अनुसन्धानका लागि आन्तरिक राजश्व कार्यालय बुटवल पठाईएको जिल्ला प्रहरी कार्यालय पाल्पाका सूचना अधिकारी होमप्रकाश चौधरीले जानकारी दिनुभयो ।
