पाल्पा, १९ भदौ

पाल्पाको रम्भा गाउँपालिका ३ सिता पहाड नजिकै एक महिलाको बेवारिसे शव फेला परेको छ । सिद्धार्थ राजमार्ग छेउको खोल्सामा घोप्टो परेको अवस्थामा शव रहेको जिल्ला प्रहरी कार्यालय पाल्पाका सुचना अधिकारी डिएसपी होम प्रकाश चौधरीले बताए  ।

हिजो दिउसो बोलेरो चालकले सडक छेउमा शव देखेपछी प्रहरीलाई खवर गरेका थिए । शवको प्रकृती हेर्दा अन्दाजी ३० देखी ३५ वर्ष उमेर र मधेसि मुलको हुन सक्ने अनुमान गरिएको छ । उनको अनुहार र टाउकोमा चोट लागेको देखिएको छ ।

घटना स्थल र शवको प्रकृती हेर्दा हत्या गरि फालिएको हुन सक्ने आसंका छ । महिलाको पहिरन निलो कुर्ता सलवारमा छ । प्रहरीले सवको पहिचानका लागि प्रयास गरिरहेको छ ।

घटना स्थल हेर्दा दुर्घटना भएको नदेखिनु र महिलाको सव राजमार्ग छेउमा हुनुले घटना रहस्यमय भएको बुझिन्छ । जिल्ला प्रहरी कार्यालय पाल्पाका प्रमुख पवन भट्राईले घटनाको अनुसन्धान भईरहेको बताएका छन ।