युवतीलाइ जबरजस्ती करणी गरेको आरोपमा एक व्यक्ति पक्राउ परेका छन् । तानसेन नगरपालिका–१०, तेल्घा क्षेत्रीटोलका ६२ वर्षीय ताराबहादुर कार्की पक्राउ परेका हुन्।
२०८० पुस २० गते स्थानीय २३ वर्षीया युवतीलाई जबरजस्ती करणी गरेको आरोपमा कार्कीलाई पक्राउ गरिएको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक सुनिल मल्लले बताए ।
गत २०८० पुस २२ गते पीडितको आमाले जिल्ला प्रहरी कार्यालय पाल्पामा जाहेरी दरखास्त दिएकोमा कार्कीको खोजतलास गर्ने क्रममा असार २२ गते उनलाई पक्राउ गरिएको हो। कार्कीलाई तानसेन नगरपालिका–४, लहरेपिपल क्षेत्रबाट पक्राउ गरिएको डीएसपी मल्लले जानकारी दिए।
उनका कार्कीलाई पाल्पा जिल्ला अदालतबाट ५ दिन म्याद लिई थप अनुसन्धान भइरहेको बताइएकाे छ ।
प्रतिक्रिया
सम्बन्धित खवर
