पाल्पा, २४ जेठ
परमानन्द बाल वृद्ध कल्याण संघको ११ औं साधारण सभा तथा पाँचौ अधिबेशन सनिबर तानसेनमा सम्पन्न भएको छ ।
कार्यक्रमका प्रमुख अतिथि तानसेन नगरपालिका ७ का वार्ड अध्यक्ष प्रदीप खनालले वार्ड तहबाट बालबालिका तथा ज्येष्ठ नागरिकहरुको लागि सम्मान तथा विविध सामाग्री बितरण गर्दै आएको बताउनुभयो । उहाँले संघको अबधारणा अनुसार “ह्यापी होम” लाई आफुले पनि वार्ड तहबाट कार्यान्वयन गर्ने प्रयास गर्ने बताउनुभयो । प्रमुख अतिथि खनालले यस संघको भवनको लागि घडेरी तानसेन ७ मै भएकाले भवन निर्माण सम्पन्न गर्नका लागि नगरपालिका, प्रदेश तथा दाताहरुसंग समन्वय गर्न तयार रहेको उल्लेख गर्नुभयो।
परमानन्द बाल वृद्ध संघले बालबालिका र ज्येष्ठ नागरिकहरुको हकहित , सुरक्षाका लागि काम गर्दै आएको छ । संघले गाउँ गाउँमा सेबा समिति मार्फत ज्येष्ठ नागरिकहरुलाई आफ्ना दुख सुखमा साथ दिने, बालबालिकाहरुलाई सानैबाट ज्येष्ठ नागरिकहरुलाई सम्मान गर्नुपर्ने मान्यतालाई संस्थाले समन्वय गर्दै आएको छ ।
अबसरबाट बन्चित बालबालिका, साहारा बिहिन ज्येष्ठ नागरिकहरुको सहयोग र अधिकारका बिषयमा काम गर्दै वार्ड स्तरसम्मै पुगि संघले काम गर्दै आएको छ ।
साधारणसभा तथा अधिबेशनमा परमानन्द बाल वृद्ध कल्याण संघका अध्यक्ष शिव प्रसाद देबकोटाले बार्षिक प्रतिबेदन प्रस्तुत गर्नुभएको थियो ।
संघका अध्यक्ष शिव देबकोटाको अध्यक्षता संरक्षक समितिका सदस्य बिनोद घिमिरेको स्वागत, रिब्दिकोट गाउँपालिकामा असल बुहारीको रुपमा सम्मानित रुपा पाण्डेको धन्यवाद र सहसचिब रमेश बहादुर बोहोराको सन्चालनमा कार्यक्रम सम्पन्न भएको हो ।
अधिबेशनमा निर्वाचित कार्यसमिति
अध्यक्ष : शिव प्रसाद देबकोटा
उपाध्यक्ष :तुल बहादुर रावल र सरितादेबी भण्डारी
सचिब : रमेश बहादुर बोहरा
सह सचिब : मुक्तिराम शर्मा
कोषाध्यक्ष : रुपा पाण्डे
सदस्यहरु: पदम प्रसाद न्यौपाने, राधेश्याम ज्ञवाली, भोजराज पराजुली,नगेन्द्र बहादुर कुवर, र शिव प्रसाद अधिकारी ।
