पाल्पा, २० चैत
जनक शिक्षा सामाग्री केन्द्रले मुद्रण गर्ने पाठ्यपुस्तक यस बर्ष लुम्बिनी प्रदेशका पहाडी जिल्लामा पुगिसकेको छ ।
केन्द्र मुद्रण गर्ने कक्षा ५ देखि १० सम्मका पाठ्यपुस्तक लुम्बिनी प्रदेशका सबै पहाडी जिल्ला पुगिसकेको हो । लुम्बिनी प्रदेशका रुकुम पुर्ब बाहेकका सबै पहाडी जिल्लामा जनक शिक्षाको प्रदेशीक कार्यालय बुटवलले पाठ्यपुस्तक बितरण गर्दै आएको छ ।
नयाँ शैक्षिक सत्र २०८२ को लागि प्रदेशको पहाडी जिल्लामा करिब ५ करोडको पुस्तक जिल्ला जिल्लामा पुगेको जनक शिक्षा सामाग्री केन्द्र लिमिटेड बुटवलकि कार्यालय प्रमुख बिष्णु पन्थीले जानकारी दिनुभयो । उहाँका अनुसार पुस्तकको डिपो रहेको बुटवलबाट दुरीका हिसाबले टाढा रहेका जिल्लालाई पहिला पुस्तक वितरण गरिएको छ ।
पहाडी जिल्लामा पुस्तक पुगिसकेको हुनाले अब तराईका जिल्लामा वितरण सुरुभएको जनक शिक्षा सामाग्री केन्द्र बुटवलका जिन्सी प्रमुख राजेश श्रेष्ठले जानकारी दिनुभयो ।
उहाँका अनुसार कक्षा ९ को अर्थशास्त्र, ऐ गणित र कम्प्युटर बिज्ञान बिषय परिबर्तन भएकाले ती बिषय छिट्टै आउने बताउनुभयो ।
प्रतिक्रिया
सम्बन्धित खवर
