पाल्पा, फागुन
तानसेनको बर्तुङ्गमा रहेको जनप्रिय माध्यमिक बिद्यालयको बार्षिक उत्सब सम्पन्न भएको छ । सोमबार एक समारोहका बीच बिद्यालयले आफ्नो ६५ औं बार्षिक उत्सब सम्पन्न गरेको हो ।
बार्षिक उत्सब तथा अभिभावक दिवस समारोहका प्रमुख अतिथि तानसेन नगरपालिकका नगर प्रमुख सन्तोषलाल श्रेष्ठले बिद्यालयको भौतिक प्रगती लोभलाग्दो रहेको बताउनुभयो । उहाँले उत्कृष्ट भौतिक संरचना भएको बिद्यालय भएकाले बिपतका घटनाहरुबाट सजक सहन बिपत ब्यबस्थापन न्युनिकरण केन्द्र स्थापना गर्न लागेको बताउनुभयो । बिपत ब्यबस्थापन न्युनिकरण ईकाइमा राम्रो भौतिक संरचना भएको बिद्यालय पर्ने भएकाले यस बिद्यालयमा त्यो कार्यक्रम राख्न सकिने बताउनुभयो । नगर प्रमुख श्रेष्ठले यस कार्यक्रमले बिद्यार्थीहरुलाई बिपतको बेला अपनाउनुपर्ने कुरा,साबधानी,पूर्बतयारी र प्राथमिक उपचारको बिषयमा समेत जान्ने मौका मिल्ने बताउनुभयो । उहाँले बिद्यालयले स्कुल बस किन्ने सोचाई राखेको भए बस खरिद गर्न नगरपालिकाबाट ५० प्रतिशत सहयोग हुने बताउनुभयो ।
प्रमुख श्रेष्ठले बिद्यालयमा दीर्घसेवा गर्ने शिक्षक, एसईई परिक्षामा राम्रो नतिजा ल्याउन सफल बिद्यार्थी तथा मेहनत गरि उत्कृष्ट नतिजा दिने शिक्षकलाई बधाई दिदै बिद्यालयको प्रगतीको कामना गर्नुभयो ।
कार्यक्रमका बिशिष्टि अतिथि तानसेन नगरपालिका वार्ड न ६ का वार्ड अध्यक्ष सागरमान महर्जनले बिद्यालय भौतिक रुपमा सुबिधा सम्पन्न भएकाले अध्ययनसंगै अतिरिक्त क्रियाकलापमा जोड दिनुपर्ने बताउनुभयो । उहाँले बिद्यालयले आगामी दिनमा नमुना बिद्यालय हुनका लागि जोडिनु पर्ने उल्लेख गर्नुभयो । बार्षिक उत्सबको अवसरमा तानसेन नगरपालिका वार्ड नम्बर ६ ले बिद्यालयलाई खेलकुदका सामाग्री समेत हस्तान्तरण गरेको ।
कार्यक्रममा बिद्यालयका प्रधानाध्यापक हिरा आचार्यले १ करोड १९ लाख ७९ हजार २५७ रुपैया बराबरको बिद्यालयको बार्षिक आयब्यय प्रस्तुत गर्नुभएको थियो । कार्यक्रम बिद्यालय ब्यबस्थापन समितिका अध्यक्ष दयाराम पाण्डेको अध्यक्षता र शिक्षक दिपक पौडेल क्षेत्रीको संचालनमा सम्पन्न भएको हो ।
प्रतिक्रिया
सम्बन्धित खवर
