नेपाल मेडिकल विद्यार्थी समाज (एनएमएसएस) ले पाल्पाका विभिन्न विद्यालयमा पुगेर एन्टिवायाेटिक औषधि प्रयाेगबारे जनचेतना जगाउन विद्यार्थी चेतना अभिवृद्दि कार्यक्रम सम्पन्न गरेका छन् । लुम्बिनी मेडिकल कलेज प्रभासमा अध्ययनरत मेडिकल विद्यार्थीहरूले पद्मपब्लिक नमुना मावि, न्यू हाेराइजन र सनराइज अंग्रेजी बाेर्डिङ स्कुलमा कार्यक्रम गरिएकाे हाे ।
मेडिकल विद्यार्थीहरूले विद्यालयमा अध्ययनरत विद्यार्थीहरूलाइ औषधि खाने सहि तरिका, गलत तरिकाले गलत समय र मात्रामा खाँदा देखा पर्न सक्ने असर, गलत विचारले खांदा र परिवारमा खुवाउदा हुने समस्याहरू बारे जानकारी प्रदान गरिएकाे एनएमएसएस लुम्बिनीका सचिव किशाेर पराजुलीले बताए । उनी भन्छन्, विद्यार्थीहरू घरमा पुगेर अभिभावकलाइ पनि सहि र गलत अाैषधीबारे जानकारी दिन सकुन् भनेर विद्यालय शिक्षा कार्यक्रम गरिएकाे हाे ।
एन्टिमाइक्राेबियल प्रतिराेधबारे जानकारी दिएर विद्यालयमा विद्यार्थीहरूलाइ धेरै कुराहरूमा जानकारी दिएकाे पद्मपब्लिक माविका प्रधानाध्यापक सन्तबीर बरालले बताए । कार्यक्रममा प्रतिजैविक प्रतिराेधकाे कारण, समस्या र समाधानका उपायहरूका बारेमा जानकारी प्रदान गरिएकाे एनएमएसएस लुम्बिनीका पूर्व अध्यक्ष पवन भुषालले बताए ।
प्रतिक्रिया
सम्बन्धित खवर
