पाल्पा, असोज २३
पाल्पामा मोटरसाईकल दुर्घटना हुँदा एक जनाको मृत्यु भएको छ । मृत्यु हुनेमा रामपुर नगरपालिका–१, हाँगेपीपलका २२ वर्षीय नारायण उचई ठकुरी रहनुभएको छ । मोटरसाइकल चालक प्रविन उचई घाइते भएको प्रहरीले जनाएको छ ।
हिजो साँझ पौने ७ बजेतिर लु ३१ प ६५०७ नम्बरको मोटरसाइकलमा बुटवलबाट पाल्पातर्फ आउने क्रममा तानसेन–८, डुमे्रमा लु २ ख ४६३१ नम्बरको टिप्परलाई ओभरटेक गर्ने क्रममा दुर्घटना हुँदा दुई जना गम्भीर घाइते भएका थिए ।
ठकुरीका भैरहवा मेडिकल कलेजमा उपचारको क्रममा आजबिहान मृत्यु भएको प्रहरीले जनाएको छ । मोटरसाइकल चालक प्रविन उचइको लुम्विनी मेडिकल कलेज प्रभासमा उपचार भइरहेको प्रहरीले जनाएको छ । दुर्घटनाबारे थप अनुसन्धान भइरहेको जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले जानकारी दिनुभयो ।
प्रतिक्रिया
सम्बन्धित खवर
