पाल्पा, असाेज १३
पाल्पामा भारी वर्षातका कारण गएकाे पहिराेले पाल्पामा ३८ घरपरिवार विस्थापित हुने अवस्थामा पुगेका छन् । जिल्लाकाे रैनादेवी छहरा गाउँपालिकामा ६, तानसेन नगरपालिकामा ९, रम्भा, बगनासकाली र निस्दी गाउँपालिकामा एक-एक परिवार विस्थापित बनेकाे प्रहरीले जनाएकाे छ ।
रम्भा गाउपालिका ३, पाल्पा अगाहाखोला बजारमा पहिरोले करिब २० घरमा क्षेती पुर्याएको छ । उनीहरू पनि विस्थापित हुने जाेखिम छ ।
रैनादेवी छहराकाे वडा नं. १ का ५ परिवार बाढी र एक परिवार पहिराेबाट विस्थापित बनेकाे जिल्ला प्रहरी कार्यालय पाल्पाका प्रहरी निरीक्षक सन्दीप बेल्बासेले बताए।
तानसेनकाे कैलाशनगरमा नाै घरपरिवार पहिराेकाे जाेखिममा परेकाे बताइएकाे छ । रम्भा गाउँपालिका ३ मा गएकाे पहिराेमा एक गाडी समेत पुरिएकाे छ । सिद्दार्थ राजमार्ग अवरूद्द बनेकाे छ, जसका कारण रम्भा गाउँपालिका कार्यालय जाने प्रमुख बाटाे पनि बन्द भएकाे छ ।
प्रतिक्रिया
सम्बन्धित खवर
