गाईजात्राको अवसरमा तानसेन नगरपालिकाले मंगलबार स्थानीय विदा दिने भएको छ । आइतार बसेको नगर प्रमुखस्तरीय बैठकबाट आईजात्राको दिन अर्थात भदौं ४ गते एक दिनका लागि स्थानीय विदा दिने निर्णय गरेको हो ।

नगरपालिकाकी कार्यबहाक प्रमुख प्रतीक्षा सिंजाली गाहाका अनुसार नेवार समुदायले मनाउन सुरु गरेको गाईजात्रा तानसेनमा भने सबै समुदायले मनाउने सामाजिक पर्वको रुपमा विकास भएको हुँदा सो अवसरमा स्थानीय बिदा दिने निर्णय भएको हो। विदाको दिन नगर कार्यपालिकाको कार्यालयसहित मातहतको सबै वडा कार्यालय, स्वास्थ्य संस्था, विद्यालयसहित अत्यावश्यक बाहेकका सबै कार्यालय बन्द हुने बताइएको छ ।

तानसेनमा नेवार र गैर नेवार सबै समुदायले गाईजात्रा निकाल्ने गर्दछन् । गाई वा मानिसलाई सिङ्गारी नगर परिक्रमा गराई श्रद्धालुबाट दुध, फलफूल, खुवाउने गर्नाले एक वर्षभित्र दिवङ्गत भएका आफ्नतले बैतर्णी पार गर्छन भन्ने विश्वासका साथ गाईजात्रा निकाल्ने परम्परा चलिआएको छ।