नेकपा एमालेबाट निर्वाचित क्षेत्र न. २ का संघीय सांसद नेता ठाकुरप्रसाद गैरे संघीय संसद् राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्यांकन समितिका सभापतिमा निर्विरोध निर्वाचित भएका छन् ।
संघीय संसद्,राज्यका निर्देशक सिद्धान्त समितिको बिहीबार बसेको बैठकमा सभापतिमा निर्वाचनमा उनी निर्विरोध निर्वाचित भएका हुन् ।
यस्तै संसदीय सुनुवाइ समितिको सभापतिमा नेपाली कांग्रेसकी नेत्री ईश्वरीदेवी न्यौपाने पनि निर्विरोध भएकी छन् । दुवै समितिमा १/१ जनाको मात्रै उम्मेदवारी परेको थियो । प्रतिनिधिसभा निर्वाचन भएको करिब डेढ वर्षपछि ती समितिका सभापति चयन गरिएको हो ।
