पाल्पा, साउन २८
पाल्पाको तिनाउ गाउँपालिका ५ जोरधारामा हाईस दुर्घटना हुदाँ ७ जना घाईते भएका छन् । बुटवलबाट पोखरा तर्फ जादै गरेको ग २ ख १२२५ नम्बरको हाइस आज दिउँसो करिब साढे १ बजेको समयमा सडक छेउको पर्खालमा ठोक्किदा ७ जना घाईते भएका हुन् ।
दुर्घटनामा परि घाईते हुनेहरुमा पाल्पा जिल्ला तानसेन नगरपालिका १० की ३० बर्षिया लक्ष्मी कार्की, नवलपरासी सरावल गाउँपालिका ७ का ३० बर्षिय राजेश गुप्ता, सोहि स्थानका २५ बर्षिय रामु सहानी,२२ बर्षिय मेराज मन्चुरी र २९ बर्षिय दिपेन्द्र कुमार कुसहवा, स्याङ्गजा जिल्ला भीरकोट नगरपालिका ९ की ४५ बर्षिय तारापति रेग्मी र कास्की पोखरा महानगरपालिका २२ का ५० बर्षिय रमेश केसी घाईते भएको प्रहरीले जनाएको छ ।
घाईते ७ जनाको तानसेन स्थित लुम्बिनी मेडिकल कलेजमा उपचार भईरहेको र सबै अवस्था सामान्य रहेको जिल्ला प्रहरी कार्यालय पाल्पाका सूचना अधिकारी प्रहरी निरिक्षक सन्दिप बेल्बासेले जानकारी दिनुभयो ।
हाइस चालक स्याङ्गजा वालिङ्ग ६ का शेखर कोइरालालाई नियन्त्रणमा लिई थप अनुसन्धान कार्यजारी रहेको प्रहरीले जनाएको छ ।
प्रतिक्रिया
सम्बन्धित खवर
