पाल्पा, असार २४
प्रथम स्वतन्त्र विद्यार्थी युनियन कप २०८१ सम्पन्न भएकाे छ । स्ववियु कप २०८१ काे उपाधि ब्यवस्थापन संकाय अन्तर्गत वि.वि.ए ले हात पारेकाे छ ।
असार १६ गतेबाट सुरु भएको खेल असार २१ गते समापन गरिएकाे हाे । स्ववियु कपमा विविध १२ विधाको खेलहरू सञ्चालन भएको थियो । विधार्थीको प्रतिभा प्रस्फुटनसँगै स्वास्थ्यको कुरालाई मध्यनजर गर्दै कार्यक्रम आयोजना गरिएको थियो । सबै खेलहरूमा करिव चार सय विधार्थीहरू सहभागी भएका थिए । विद्यार्थीहरूको हित संगै शैक्षिक उन्नयनको क्षेत्रमा थप सशक्त ढंगले अगाडी बढ्ने सभापति कृष्ण अर्यालले बताए ।
कार्यक्रमका प्रमुख अतिथि क्याम्पस प्रमुख टंक भट्टराई ले स्ववियु को प्रशंसा गर्दै आगामी दिनमा यस्तै रचनात्मक कार्यक्रम ल्याउन आग्रह गर्नुभयो । यस्तै वक्ताको रूपमा विद्यार्थी कल्याण प्रमुख पुष्कर आचार्य, पुर्व सभापति हरिबोल भट्टराई लगायतले बोल्र्दै यस्ता खाले कार्यक्रमले विद्यार्थी बिच सदभाव कायम राख्न सहयोग पुग्ने बताए ।
विद्यार्थीहरूलाइ शिक्षण सिकाइसँगै अतिरिक्त क्रियाकलापमा जाेड दिँदा उनीहरूकाे शारीरीक तथा मानसिक विकासमा टेवा पुग्ने बताइएकाे छ ।
प्रतिक्रिया
सम्बन्धित खवर
