पाल्पा, असार ९
तानसेन नगरपालिकाकाे हुलाक चोकमा हाइमास्ट लाइट जडान गरिएको छ । जिल्ला प्रशासन कार्यालय अगाडी, बैंक राेडमा तानसेन नगरपालिका वडा नं. ४ काे कार्यालयले सुरक्षा संवेदनशीलतालाइ ध्यान दिएर लाइट जडान गरेकाे हाे ।
तानसेन नगरपालिका नगर प्रमुख सन्तोषलाल श्रेष्ठले हाइमास्ट लाइटकाे उद्घाटन गर्दै यस क्षेत्रमा धेरै कार्यालय तथा बैंकहरू रहेकाे र धेरै जनता लाभान्वित हुने भएकाेले लाइट जडान गरिएकाे बताए । नगर प्रमुख श्रेष्ठले तानसेनलाइ साँस्कृतिक नगर भएकाेले यहाँका सम्पदा संरक्षणमा नगर सरकारलागि परेकाे बताए । तानसेन दरबार परिसर क्षेत्रको विकास र पर्यटकको सहजताका लागि लाइट व्यवस्थापन गरिएको हाे ।
वडा गौरव योजना अन्तर्गत लाइट जाेडिएकाे हाे । लाइटले बजारको सौन्दर्य र ब्यबसाय वृद्धिमा समेत मद्दत पुग्ने बिश्वास गरिएकाे छ । १० लाखको बजेटमा लाइट निर्माण गरिएको हो। ।
तानसेन नगरपालिका वडा नम्बर ४ का वडा अध्यक्ष हेमन्तराज शाक्यले वडामा हाइ मास्ट लाइट जडानले तानसेनको पर्यटकीय बिकासमा थप सहयोग पुग्ने बताए ।
प्रतिक्रिया
सम्बन्धित खवर
