शीत काव्य समाज नेपालको आयोजनामा यही असार ७ गतेका दिन एकैसाथ चारवटा काव्य कृतिहरू लोकार्पण गरिने भएको छ ।” चतुष्पदी मुक्तकीय प्रभेदभित्रको लघुतम अष्टाक्षरी काव्य नै शीत हो।” भन्ने परिभाषाका साथ शीतले स्वदेश देखि विदेशसम्म व्यापकता पाइसकेकाे छ ।
हालसम्म शीतका एक दर्जन कृतिहरू प्रकाशित भइसकेका छन् । शीत संरतना अनुसार शीत कल्प कृति प्रकाशन गर्नेलाई शीत ईश्वर भनिन्छ । हालसम्म प्रथम शीत ईश्वर कृष्ण के.सी.,इन्दिरा ज्ञवाली , शारदा ढकाल , देशभक्तसिंह कुँवर शीत ईश्वरको रूपमा प्रतिष्ठापित भईसक्नु भएको छ भने कृति प्रकाशन संगै शीत ईश्वरहरू थपिदै जानू हुनेछ ।साहित्यकार लव जोशीले नेपालीर अंग्रेजीमा शीत काव्य प्रकाशन गरी शीतको व्यापिकरण गर्नुभएको छ ।
कविता लेख्न नजानेकाहरूले पनि शीत लेख्न सक्छन् र अन्ततः कविता लेख्न पनि जान्ने हुन्छन् शीतको बिशेषतानै यही हो । वि.सं.२०७८ साल असार ७ गते पाल्पाको तानसेनबाट परिकल्पना गरिएको शीतले यही असार ७ गतेदेखि चौथो वर्षमा प्रवेश गर्दैछ उक्त दिन शीत परिकल्पनाको चौथो वार्षिक दिवस मनाउदै परिकल्पनाकार पुष्कर अथक रेग्मीको शीत : रचना विधान र चतुष्पदी लघुकाव्य संग्रह शीत कल्प ‘अर्घ्य ‘ र त्रिशूल : त्रिपदीय काव्य उपविधा र सैद्धान्तिक विमर्श ‘ अमोघ’, साहित्यकार देवन्द्रराज शाक्यको शीत लघुतम खण्डकाव्य ” धर्मी ” र साहित्यकार दामोदर ढकालद्वारा लिखित शीत उपन्यास ” शीत यात्रा” को लोकार्पण र विमर्श सहित शीत परिकल्पनाको चौथो बर्ष पाल्पाको तानसेनमा साहित्यिक कार्यक्रम सहित मनाइने छ भनी शीत काव्यका परिकल्पनाकार पुष्कर अथक रेग्मीले बताएका छन् ।
