पाल्पा, जेठ १२
नेकपा एमाले पाल्पाको अध्यक्षमा ओमबहादुर घर्ती मगर निर्विरोध चयन भएका छन् । पूर्व सचिव ओम बहादुर घर्तीकाे नेतृत्वमा एमाले पाल्पाकाे १० औं जिल्ला अधिवेशन सम्पन्न भएकाे हाे ।
अधिवेशनबाट एमाले उपाध्यक्षमा विमल काफ्ले, सचिवमा रामजी पोखरेल(भोजराज) उप–सचिवमा दिपक विश्वकर्मा र महिला उप–सचिवमा मिना जि.सी. चयन भएका छन् । दुइ दिनसम्म चलेकाे अधिवेशनले १ सय १ सदस्यीय जिल्ला कमिटी चयन गरेकाे छ ।
जिल्ला कमिटी सदस्यमा दलिततर्फ ८ जना, जनजातीमा ८ जना, ४० बर्ष भन्दा मुनी उमेरका युवा १६ जना चयन भएका छन् । यसैगरी महिला खुलामा ४ जना, मजदुर १ जना, अल्पसंख्यक १ जना, अपाङ्ग १ जना, मुस्लिम १ जना चयन भएका छन् । यसैगरी खुला पालिकातर्फ निस्दी, पुर्वखोला, माथागढी, बगनासकाली, रिव्दीकोट र रैनादेवीछहरा गाउँपालिकामा पाँच / पाँच जनाका दरले ३० जना, तिनाउ गाउँपालिकामा ३ जना, रम्भा गाउँपालिकामा ४ जना, रामपुर नगरपालिकामा ९ जना र तानसेन नगरपालिकामा १० जना जिल्ला कमिटी सदस्यमा चयन भएका छन् ।
अध्यक्ष पदका लागि घर्तीमगर र पोखरेलको दावी रहेको थियो । तर सहमतिमा पदाधिकारी टुङ्गिएको नेताहरूले बताएका छन् । तिनाउ गाउँपालिकाको अध्यक्षकाे अनुभव सँगालेका घर्तीकाे नेतृत्वमा एमाले पाल्पाले पूर्णता पाएकाे हाे ।
प्रतिक्रिया
सम्बन्धित खवर
