पाल्पा, २३ फागुन
भवानी माबि रिब्दीकोट ५ कुसुमखोलाको ६७औं बार्षिक उत्सब सम्पन्न भएको छ । बुधबार लुम्बिनी प्रदेशका सभामुख तुलाराम घर्ती मगरले बिद्यालयको बार्षिक उत्सब मुल समारोहको उद्घाटन गर्नुभयो । प्रमुख अतिथी घर्ती मगरले बिद्यालयको भौतिक प्रगती लोभलाग्दो रहेको बताउदै भौतिक प्रगती जस्तै गुणस्तरमा बृद्धि गर्नुपर्ने बताउनुभयो । उहाँले बिद्यालयको शैक्षिक सुधारको लागी आफ्नो सहयोग रहने बताउनुभयो ।
बिद्यालयका प्रअ रुद्रप्रसाद आचार्यले करिब डेढ करोड बराबरको बार्षिक आयब्यय प्रस्तुत गर्नुभयो । बार्षिक उत्सबको अवसरमा बिद्यालयमा करिब १ लाख बढी अक्षयकोष थप भएको छ । जसमा २०४८ साल एसएलसी समूह, बिश्वनाथ पौडेल तानसेन लगायतका ब्यक्तिहरुबाट अक्षयकोष थप भएको बिद्यालयका प्रअ रुद्रप्रसाद आचार्यले जानकारी दिनुभयो ।
कार्यक्रममा उत्कृष्ठ शिक्षकको रुपमा शिक्षक अर्जून आचार्यलाई भवानी अल्मुनाई एसोसियसन काठमाडौंले नगद सहित सम्मन गरिएको थियो ।
कार्यक्रम बिद्यालय ब्यबस्थापन समितिका अध्यक्ष कृष्णबहादुर थापाको अध्यक्षता र सन्चालन शिक्षक यादब आचार्य र शोभा पौडेलले गर्नुभएको थियो ।
