पाल्पा, फागुन २१
नेपाल पुस्तक तथा स्टेसनरी व्यवसायी महासंघको राष्ट्रिय अध्यक्षमा नयाँ नेतृत्व चयन भएको छ । महासंघको अध्यक्षमा अत्याधिम मतका साथ शिवसागर शर्मा निर्वाचित भएका छन् । शनिवार काठमाडौंमा सम्पन्न महासंघको सातौं राष्ट्रिय महाधिवेशनबाट शर्मा अध्यक्ष पदमा निर्वाचित भएका हुन् । कुल ५११ मत खसेकोमा शर्माले ३२३ मत ल्याए भने उनका प्रतिष्पर्धी दिवाकर घिमिरेले १०२ र ऋषिराम शर्माले ८६ मत प्राप्त गरेका थिए ।
निर्वाचित अध्यक्ष शर्मा गुडविल पब्लिकेसन्सका सञ्चालक तथा प्रबन्ध निर्देशक समेत हुन् । त्यसैगरी वरिष्ठ उपाध्यक्षमा मातृका शिवाकोटी, उपाध्यक्षमा नारायणकुमार श्रेष्ठ, बुद्धिप्रसाद अधिकारी र सरोज मास्के, महासचिवमा विष्णुप्रसाद पौडेल, उप–महासचिवमा अर्जुनप्रसाद आचार्य, कोषाध्यक्षमा ताराराम श्रेष्ठ, सचिवमा महेश शर्मा र शम्भु लामिछाने साथै महिला सचिवमा कोपिला गिरि निर्वाचित भएका छन् । त्यसैगरी सहकोषाध्यक्षमा रविन बराल र लेखा संयोजकमा कृष्णराम कार्की निर्वाचित भएका छन् । राजधानीमा दुर्इ दिन सम्म चलेको महाधिवेशनले लेखा समिति संयोजकमा कृष्णराम कार्कीलाई निर्वाचित गर्दै ३८ जनाको कार्यसमिती चयन गरेको हो ।
नवनिर्वाचित अध्यक्ष शर्माले महासंघको उन्नयन र विकासका लागी आगामी दिनमा सबैको साथ, सक्रिय सहभागिता, रचनात्मक सल्लाह सुझाव सहित अगाडी बढ्ने बिश्वास ब्यक्त गरे । प्रतिस्पर्धा गरी निर्वाचनको प्रक्रियामा उपबिजेता भएका सम्पूर्ण साथीहरुलाई हतोत्सा
