पाल्पा, फाल्गुन ३
पाल्पामा ट्रकमा ल्याउदै गरेको गोरु सहित तीन जना पक्राउ परेका छन् । बुधबार बिहान करिब साढे ४ बजेको समयमा तिनाउ गाउँपालिका स्थित बेलबास दोभान कच्चि सडक हुदै सिदार्थ राजमार्ग आउदै गरेको लु १ ख ८३४० नम्बरको ट्रकमा ल्याउदै गरेको १७ वटा जिउँदो र एक वटा मरेको गोरु सहित तीन जनालाई प्रहरीले पक्राउ गरेको छ ।

पक्राउ पर्नेमा ट्रक चालक बझाङ्ग जिल्ला फलरा गाउँपालिका ३ घरभई हाल कैलाली बस्ने बर्ष २७ बर्षिय बिशाल बहादुर धामी, कपिलबस्तु शिबराज ७ का २४ बर्षिय राधेश्याम रैदास र सोहि स्थानका १९ बर्षिय सद्दाम हुसेन रहेको जिल्ला प्रहरी कार्यालय पाल्पाले जनाएको छ ।
पक्राउ परेका मानिस ट्रक र गोरुलाई आवश्यक कारवाहीका लागी भैरहवा भन्सार पठाईएको र थप अनुसन्धान कार्य जारी रहेको जिल्ला प्रहरी कार्यालय पाल्पाका सूचना अधिकारी सुगन्ध श्रेष्ठले जानकारी दिनुभयो ।