तानसेन नगरपालिकाले फागुन १८ गतेदेखि २८ गतेसम्म तानसेनकाे टुँडिखेलमा महाेत्सव गर्ने भएको छ । पाल्पा सदरमुकाम तानसेनस्थित टुडिँखेल मैदामा कृषि तथा पर्यटन प्रवर्द्धन महोत्सव गर्न लागिएकाे हाे ।

जिल्लामा उत्पादित कृषि उपजको प्रदर्शनी, बजारीकरण तथा प्रवर्धन, तानसेनको पर्यटन तथा धार्मिक कला संस्कृति, मौलिकताका साथै स्थानीय रहनसहनसंगै जोड्नेगरी मेला आयोजना गरिएको आयोजक तानसेन नगरपालिकाले जनाएको छ ।

तानसेनका नगरप्रमुख सन्तोषलाल श्रेष्ठकाअनुसार महोत्सव आयोजनाको तयारी भइरहेको र महोत्सव भव्य हुनेछ । टुडिखेल मैदानमा संचालन हुने मेलाबाट नगरपालिकाको आन्तरीक राजस्व संकलन गर्नका साथै स्थानीय वस्तुको बजारीकरण गर्ने मुख्य उद्देश्य रहेको नगरप्रमुख श्रेष्ठले बताए ।

महोत्सवमा विभिन्न बस्तु, हस्तकला, स्थानीय उत्पदानका स्टलका साथै र बाल उद्यान र राष्ट्रिय तथा स्थानीय कलाकारहरुको दैनिक प्रस्तुति रहनेछ । महोत्सवको अवसरमा जोर्डनका राजकुमार तथा २० जना नोबेल पुरस्कारबाट पुरस्कृत भएका व्यक्तिलाई सहभागिता गराइने पनि आयोजकले जनाएको छ ।