पाल्पामा जिल्ला स्तरिय राष्ट्रपति रनिङ शिल्ड सुरु भएको छ । पालिकामा छनौट भएकाहरूबाट १० वटै पालिकाका खेलाडीहरू जिल्ला स्तरिय राष्ट्रपति रनिङ शिल्डमा खेल्नेछन् ।

प्रतियोगिताको उद्घाटन गर्दै लुम्बिनी प्रदेशका सभामुख तुलाराम घर्ती वसन्तले खेल क्षेत्रलाई अघि बढाउन प्रदेश सरकारले दिर्घकालिन योजना बनाएर काम गरिरहेको बताउनुभयो । सभामुख घर्तीले खेल क्षेत्रलाई स्थानीय तहहरुले पनि प्राथमिकता दिएर काम गरिरहेको भन्दै आवश्यक थप सहयोग गर्न प्रदेश सरकार संग समन्वय गर्ने बताउनुभयो ।

जिल्ला खेलकुद विकास समितिका अध्यक्ष दिपक घिमिरेले प्रतियोगिता मर्यादित, अनुशासित र नियम पुर्वक सम्पन्न हुने बताउनुभयो । अध्यक्ष घिमिरेले खेलाडीहरुको उचित व्यवस्थापन गर्न सम्बन्धित पालिकाहरुलाई अनुरोध गरेको र केहि अप्ठेरो भए जिल्ला खेलकुद विकास समितिले समन्वय गर्ने बताउनुभयो । प्रतियोगिता माघ २५ गते बिहिबार सम्पन्न हुने जिल्ला खेलकुद विकास समितिले जनाएको छ ।

प्रतियोगिताको पहिलो दिन १५०० मिटर दौड छात्रछात्रा, ४०० मिटर दौड छात्रछात्रा, भलिबल, कबड्डी, तेक्वान्दोलगाएतका खेलहरु सञ्चालन भएका छन् ।