पाल्पाकाे तानसेनमा चार दिनसम्म चलेकाे तानसेन नगर स्तरिय पाँचौ राष्ट्रपति रनिङ शिल्डको उपाधि जनता माध्यमिक विद्यालय (जेभिटि)ले प्राप्त गरेकाे छ । ११ स्वर्ण पदक सहित जेभिटि विजेता बनेको हो । जनताले ११ स्वर्ण सहित ९ रजत र ९ काश्य गरि जम्मा २९ वटा पदक जितेको छ ।

त्यस्तै १० स्वर्ण पदक सहित दमकडा नमुना माध्यमिक विद्यालय दोश्रो भएको छ । दमकडाले ९ रजत र ९ काश्य सहित जम्मा २८ पदक जितेको छ । जम्मा १९ पदक जितेको सरस्वती मावि तेश्रो भएको छ । सरस्वतीले १० स्वर्ण, ४ रजत र ५ काश्य पदक सहित तृतीय स्थान प्राप्त गरेकाे थियाे । तानसेन नगरपालिका भित्रका २७ वटा माध्यमिक विद्यालय सहभागि थिए ।

जिल्ला खेलकुद विकास मिति पाल्पाका अध्यक्ष दिपक घिमिरेले पाल्पा जिल्ला पछिल्लो समय खेलकुद क्षेत्रको हब बन्दै गईरहेको बताउनुभयो । घिमिरेले विद्यालयहरुले खेल क्षेत्रमा थप योजना बनाएर कार्यान्वयन गरे जिल्लाको खेल क्षेत्र उज्जवल रहेको बताउनुभयो ।