पाल्पा, कार्तिक २२
पाल्पाको निस्दी गाउँपालिका ७ ज्यामिरेमा टिप्पर दुर्घटना हुदा एक जनाको मृत्यु भएको छ । भने अन्य तीन जना घाईते भएका छन् । मृत्यु हुनेमा पाल्पा पूर्वखोला गाउँपालिका २ जल्पाकी १९ वर्षीया दिलकुमारी आले रहेको जिल्ला प्रहरी कार्यालय पाल्पाले जनाएको छ ।
दुर्घटनामा परि घाइते हुनेमा निस्दी गाउँपालिका ७ बस्ने २५ वर्षीया हिमाली आले, चालक मकवानपुर जिल्लाको मनोहरी गाउँपालिका वडा नं. ९ बस्ने २६ वर्षीय अन्जन सुनार र सह चालक हेटौडा ९ बस्ने आषिश सुनार रहेको प्रहरीले जनाएको छ ।
ज्यामिरे अरुणखोला भित्रि सडक खण्डमा भुटुकेबाट चुनढुङ्गा लिएर नवलपुरको होङ्सी सिमेन्ट तर्फ जादै लु २ ख ५२९ नम्बरको टिप्पर आज बिहान करिब साढे ८ बजेको समयमा दुर्घटनामा परेका प्रहरीले जनाएको छ ।
घाइतेहरुको उपचारका लागि नवलपुरतर्फ पठाइएको पाल्पाका प्रहरी प्रवक्ता सुगन्ध श्रेष्ठले जानकारी दिनुभयो । दुर्घटनाबारे थप अनुसन्धान जारी रहेको प्रहरीले जनाएको छ ।
