पाल्पा, १४ कार्तिक
नेपाल बिद्युत प्राधिकरणले तानसेन नगर सरकारलाई बक्यौद बिद्युत महसुल बुझाउन ताकेता गरेको छ । झण्डै दुई दशक देखी नगर सरकारले प्राधिकरणलाई सडक बत्ति बापतको ८ करोड ५१ लाख रुपैया भुक्तानी गर्न बाँकी रहेकाले भुक्तानी गर्न ताकेता गरेको हो ।
प्रधिकरणका पाल्पा प्रमुख दिलिप मरासीनीले करिब १८ बर्ष देखि तानसेन नगरपालिकाले सडक बत्तिबापतको रकम नबुझाएको बताउनुभयो । उहाँले रकम ठूलो भएकाले संघिय सरकारले नै माथिल्लो तहबाट निकास दिनका लागी काम भईरहेको बताउनुभयो ।
तानसेन नगरपालिकाका प्रबक्ता यादबसिं कार्कीेले बिद्युत बक्यौता रकम भुक्तानी गर्न बाँकी रहेको स्वीकार गर्दै नगर सरकारले त्यती लामो समय देखिको रकम एकै चोटी भुक्तानी गर्न नसक्ने बताउनुभयो । प्रबक्ता कार्कीले संघिय सरकारबाट नै यो समस्या समाधान गर्नुपर्ने धारणा राख्नुभयो ।