पाल्पा, कार्तिक ४
पाल्पाको माथागढी गाउँपालिकाका जनप्रतिनिधि र पाल्पाका पत्रकारहरु बीच मैत्रीपुर्ण फुटबल प्रतियोगिता सम्पन्न भएको छ । शुक्रबार माथागढी गाउँपालिकाको सराई खेलमैदानमा जनप्रतिनिधि र पत्रकार बीच मैत्रीपूर्ण फुटवल प्रतियोगीता सम्पन्न भएको हो । खेलमा जनप्रतिधिहरुले पत्रकारहरुलाई ४–२ गोल अन्तरले पराजित गरे ।
खेलमा जनप्रतिनिधिको तर्फबाट शंकर दर्लामीले एक्लैले ३ गोल गर्नुभयो भने गाउँपालिका अध्यक्ष यम बहादुर चिदीले एक गोल थप्नु भयो । पत्रकारको तर्फबाट विजय बौडेल र दुर्गेश मल्लले एक एक गोल गर्नुभयो । दुबै टोलीबाट गोल गर्ने अन्य अवसर पाएपनि गोल हुन सकेन । पत्रकारको टोलीले पाएका दुई वटा पेनाल्टी सदुपयोग गर्न नसक्दा पराजित हुनु पर्यो ।
खेल उद्घाटन गर्दै प्रमुख अतिथी संघिय संसद नारायण प्रसाद आचार्यले मैत्रीपूर्ण खेलले आपसी भाईचारा बलियो बनाउने बताउदै यस खालका प्रतियोगीताले खेलकुदको बिकास र प्रचारमा सहयोग पुग्ने बताउनुभयो । कार्यक्रममा प्रदेश संसद खेम सारु, सुरक्षा निकायका प्रमुख लगायतको उपस्थिती रहेको खेलकुद पत्रकार मन्च पाल्पाका अध्यक्ष माधब अर्यालले जानकारी दिनुभयो ।
