बुटवल, भदौ १९
नेकपा एमालेको प्रथम लुम्बिनी प्रदेश अधिबेशनको नेतृत्व चयन आज मंगलवार मतदानवाट हुने भएको छ । बुटवलमा जारी अधिवेशनमा सोमबार रातिदेखि हुने भनिएको मतदान, मतपत्र छपाइमा भएको ढिलाइले सुरू हुन सकेकाे छैन।
अध्यक्षमा राधाकृष्ण कँडेल र हरि रिजाल दुइटा प्यानल नै बनाएर चुनावी मैदानमा उत्रिएका छन् । कँडेल पक्षले एमाले उपाध्यक्ष विष्णु पौडेलको समर्थन रहेको र रिजाल पक्षले महासचिव शंकर पोखरेलको समर्थन रहेको प्रचार गरिरहेका छन् । दुवै पक्षले सचिवमा राखेका लक्ष्मण आचार्य भने निर्विरोध भएका छन् ।
सचिवबाहेक अध्यक्ष, उपाध्यक्ष र दुई उपसचिव तथा सदस्यहरुमा निर्वाचन हुने भएको छ । भदौ १६ र १७ गतेका लागि तय भएको प्रदेश अधिवेशन १८ गते रातिमात्रै मतदान हुने समय तय भएको छ । तर, अझै पनि निर्वाचन सामग्री तयारी नभएकाले सर्नसक्ने जनाइएको छ ।
रिजालतर्फकाे समूह
अध्यक्ष : हरि रिजाल, प्यूठान
उपाध्यक्ष : विश्वराज बराल (अनुप), रुपन्देही
सचिव : लक्ष्मण आचार्य, दाङ
दुई उपसचिव : पूर्णबहादुर बुढा, रोल्पा र बसन्ती अधिकारी, बाँके
कँडेलकाे समूह
अध्यक्ष : राधाकृष्ण कँडेल, पाल्पा
उपाध्यक्ष : भोजप्रसाद श्रेष्ठ, रुपन्देही
सचिव : लक्ष्मण आचार्य, दाङ
उपसचिव : लीला राना, बर्दिया र दुर्गा चौधरी, बाँके
अध्यक्षमा पाल्पाका राधाकृष्ण कँडेल र प्युठानका हरि रिजाल उम्मेदवार भएका हुन् । कँडेल पक्षले एमाले उपाध्यक्ष विष्णु पौडेलको र रिजाल पक्षले महासचिव शंकर पोखरेलको समर्थन रहेको बताउने गरेका छन् । सचिवबाहेक अध्यक्ष, उपाध्यक्ष र दुई उपसचिव तथा सदस्यहरुमा निर्वाचन हुने भएको छ । भदौ १६ र १७ गतेका लागि तय भएको प्रदेश अधिवेशन १९ गते मात्रै मतदान दुई दिन लम्बिएको छ ।निर्वाचनले ५ पदाधिकारी सहित २०५ सदस्यीय कार्यसमिति निर्वाचित गर्ने छ ।
प्रतिक्रिया
सम्बन्धित खवर
