पाल्पा, भदाै ५
तानसेन नगरपालिकाकाे वडा नं. ४ मखनटाेल क्षेत्र व्यवस्थापन कार्य अगाडी बढेकाे छ । दरबार क्षेत्र व्यवस्थापन गर्न घरटहरा भत्काइएकाे क्षेत्रमा ढुङ्गा छाप्ने कार्य अगाडी बढेकाे हाे ।
तानसेन नगरपालिकाका प्रमुख सन्तोषलाल श्रेष्ठले दरबार क्षेत्रकाे व्यवस्थापनकाे कार्य प्रारम्भ भएकाे बताउँदै क्रमैसँग अन्य कार्यहरूलाइ पनि अगाडी बढाउने बताउनुभयाे । पहिलाे चरणमा ढुङ्गा छाप्ने कार्य अगाडी बढेकाे छ । भगवतीजात्रा नजिकिँदै जाँदा त्यहाँ भएका खाल्टाखुल्टी पुर्ने तथा अन्य सरसफाइका काम अगाडी बढेकाे नगरप्रमुख श्रेष्ठले बताउनुभयाे ।
तानसेन नगरपालिकाले गत बैशाख ६ गते पाल्पा दरबार परिसरका ५७ घर टहरा भत्काएको थियो । तानसेन नगरपालिकाको वडा ३ र ४ को क्षेत्रमा पर्ने दरबार, सडक र सित्तलपाटी क्षेत्रमा ढुंगा छाप्ने कामका लागि ठेक्का सुरु भएको हाे ।
ढुंगा छाप्ने काम गर्न एवी विल्डर्स ग्रुप एण्ड सप्लायर्स काठमाडौंले ४१ लाख ६९ हजार ६ सय ४३ रुपियाँ ३७ पैसामा असार ९ गते सम्झौता गरेको नगरपालिकाका प्रवक्ता यादवसिंह कार्कीले बताउनुभयाे । ठेकेदार कम्पनीले सम्झौताअनुसार २०८० मंसिर ३० गतेसम्म काम सम्पन्न गरिसक्नुपर्ने छ ।
प्रतिक्रिया
सम्बन्धित खवर
