पाल्पा, असार ३१
तानसेन खानेपानीे उपभोक्ता समितिको सचिवालयको ताला नयाँ बनेको तदर्थ समितिले फोरेको छ । तदर्थ समितिले ताला फोरेर मुचुल्का तयारी गरी आज देखि कार्यालय सुचारु गरेको छ ।
डा पुरनमान वज्राचार्यको अध्यक्षातामा रहेको पुरानो समितिलाई विघठन गरी असार २१ गते तानसेन नगरपालिकामा भएको उपभोक्ताहरुको भेलाले मोहन प्रसाद श्रेष्ठको अध्यक्षतामा तदर्थ समिति गठन गरेको थियो । गठित तदर्थ समितिले पुरानो विघठीत समितिसंग पटक पटक साचो बुुझाउन आग्रह गर्दै आएकोमा साचो नवुझाई मुद्दा मामिलामा लागेपछि ताला फोरिएको हो । उपभोक्ताको चाहना अनुसार काम गर्न ढिलो भएपछि ताला फोर्न वाध्य भएको तदर्थ समितिका अध्यक्ष मोहन प्रसाद श्रेष्ठले पत्रकार सम्मेलन गरि जानकारी दिनुभयो । अध्यक्ष श्रेष्ठले छ महिना भित्र कार्यालयलाई चुस्तदुरुस्त रुपमा संचालन गर्ने बताउनुभयो ।
उहाँले पटक पटक पुरानो समितिलाई आग्रह गर्दा पनि ताला नबुझाएपछि बाध्य भएर सचिवालयको ताला फोर्नु परेको बताउनुभयो । ताला फोरेर जिल्ला प्रशासन, तानसेन नगरपालिका, पत्रकार, तथा उपभोक्ताको रोहवरमा मुचुल्का गरिएको तानसेन खानेपानी तदर्थ समितिले जनाएको छ ।