बिष्णु खनाल
पाल्पा, असार २६
नेकपा एकिकृत समाजबादी पार्टीका अध्यक्ष माधब कुमार नेपालले ललिता निवास जग्गा प्रकरण लगायत देशै भरिका सरकारी जग्गामा भ्रष्टाचारसंग जोडिएका कसैलाई पनि उन्मुक्ति दिन नहुर्ने बताउनुभएको छ ।
मंगलबार नेपाल पत्रकार महासंघ पाल्पाले तानसेनमा आयोजना गरेको पत्रकार सम्मेलनमा उहाँले आफु लगायत पूर्बप्रधानमन्त्रीहरु थुप्रैको नाम जोडिएकाले सत्य तथ्य छानबिन गरि बाहिर ल्याउनु पर्ने बताउनुभयो ।
पत्रकार सम्मेलनमा “ललिता निवास जग्गा प्रकरणमा कसैकसैले मेरो नाम पनि मुछेका छन् । स्वभाविक हो । मेरो पालामा भएकाले मेरो नाम आउन सक्दछ । कृष्णप्रसाद भट्टराईको पालामा भएकाले उहाँको नाम आउन सक्दछ । गिरिजाप्रसाद कोइराला र शेरबहादुर देउवाको पालामा भएको हुनाले उहाँहरुको नाम आउन सक्दछ । त्यस्तै केपी ओलीको पालामा भएकाले केपी ओलीको नाम आउन सक्दछ । बाबुराम भट्टराईको पालामा भएपछि उहाँको नाम आउन सक्दछ । प्रचण्डको पालामा भएपछि उहाँको नाम आउन सक्दछ । नाम आउने बित्तिकै आफूले बदमासी गरेको छैन भने आत्तिनु पर्ने कुनै आबश्यकता छैन ।” उहाँले भन्नुभयो ।
पूर्वप्रधानमन्त्री नेपालले सिस्टममा समस्या भए त्यसलाई सुधार गर्नुपर्ने बताउनुभयो । आफ्नो पालामा सरकारी जग्गा र अन्य जग्गा कानुन सम्बत ढंगबाट छुट्टाएर अगाडी बढाउनु भन्ने निर्णय भएको बताउनुभयो । उहाँले बताउनुभयो । उहाँले दोषी र निर्दोषीलाई एउटै घानमा राख्न नहुने बताउदै यसो भयो भने असलहरुले प्रोत्साहन नपाउने र खराबहरुले खराब काम गर्न झन उदद्त हुने धारण राख्नुभयो ।
अध्यक्ष नेपालले भावना मिल्नेहरुले समाजबादी मोर्चा बनाएको बताउनुभयो । तत्कालै समाजबादी मोर्चा अर्को कम्युनिष्ठ पार्टीको रुपमा रुपान्तरण नहुने बताउदै उहाँले राजनैतीक स्थायीत्वका लागी मोर्चा बनेको धारणा राख्नुभयो । नेपालले कांग्रेसकै सल्लाहमा मोर्चा बनेको जनाउदै यसले राजनैतीक स्थायीत्व हुने धारणा राख्नुभयो ।
कार्यक्रममा पत्रकार भोजराज भट्टराई, किरण कौशल, देब पचभैया, कृष्ण पोखरेलले जिज्ञासा राख्नुभएको थियो ।
कार्यक्रम नेपाल पत्रकार महासंघ पाल्पाका अध्यक्ष रेखीराम रानाको अध्यक्षता उपाध्यक्ष भरत शर्माको स्वागत र सचिब यज्ञमूर्ती तिमिल्सेनाको संचालनमा सम्पन्न भएको हो ।
