पाल्पा असार २३
लायन्स क्लब अफ पाल्पा तानसेनले तानसेनको टुडिखेलमा बृक्षारोपण कार्यक्रम सम्पन्न गरेको छ । क्लबले शनिबार बिहान एक कार्यक्रमका बीच बृक्षारोपण कार्यक्रम सम्पन्न गरेको हो । क्लबले ज्याकरकाण्डा फूलको बिरुवा रोपेको लायन्स क्लब अफ पाल्पा तानसेनका पूर्ब अध्यक्ष सागरमान महर्जनले जानकारी दिनुभयो ।
कार्यक्रमकी प्रमुख अतिथी तानसेन नगरपालिकाकी कार्यबाहक नगरप्रमुख प्रतीक्षा गाहाले लायन्स क्लब अफ पाल्पा तानसेनले थुप्रै मानवीय कार्य गरेको बताउनुभयो । प्रमुख अतिथी कार्यवहाक नगरप्रमुख गाहाले बिरुवा लगाउनु मात्र ठूलो कुरा नभई बिरुवालाई हुर्काउनु ठूलो कुरा रहेको बताउनुभयो । उहाँले फरक खालको फुलले टुडिखेल मैदान सौन्दर्यका लागि ठुलो भुमिका खेल्ने धारणा राख्नुभयो। बृक्षारोपन कार्यमा जिल्ला बन कार्यालय पाल्पाले सहयोग गरेको हो ।
कार्यक्रम टंक घिमिरेको स्वागत विवेककाजी शाक्यको संचालन र लायन्स क्लब अफ पाल्पा तानसेनका अध्यक्ष अमन श्रेष्ठको अध्यक्षतामा सम्पन्न भएको हो ।